თბილისი (GBC) - კომპანია UGT-მ 2021 წლის ოქტომბერ-დეკემბრის პერიოდში 11.8 მლნ ლარის 32 სახელმწიფო ტენდერში გაიმარჯვა.

მათ შორის, ყველაზე ძვირიანი ტენდერი კომპანიამ დეკემბერში მოიგო, რომლითაც განათლების მართვის საინფორმაციო სისტემას 3.7 მლნ ლარად საინფორმაციო სისტემების და სერვერების ინსტალაციასა და მომსახურებას გაუწევს.

2022 წლის იანვარში გამოცხადებულ 2 ტენდერში კი კომპანია UGT უკონკურენტო იყო. სახელმწიფო განვითარების სააგენტოსა და საქართველოს ტექნიკური უნივერსიტეტის გამოცხადებული ტენდერები, სადაც მან გაიმარჯვა, ჯამში 140 ათასი ლარის ღირებულებისაა. ტენდერის მიზანი პროგრამული და სერვერული მომსახურებაა.

UGT საქართველოს ციფრული ტექნოლოგიების სფეროს ლიდერია, რომელმაც საქმიანობა IT სფეროში 20 წელზე მეტი ხნის წინ დაიწყო.

კომპანიის 100%-იანი წილი შპს ,,იუ-ჯი-თი ჯგუფს’’ ეკუთვნის, რომელის მფლობელთა სტრუქტურა ასეთია:

გრიგოლ ჭირაქაძე 85%

ერმილე სულაძე 5%

გურამ ხოჯანაშვილი 5%

გიორგი მაისურაძე 5%

„იუ ჯი თი ჯგუფის“ საკუთრებაში 17 სხვადასხვა კომპანია ექცევა, მათ შორის, სხვადასხვა IT მიმართულების კომპანიებთან ერთად, კავკასუს ინვესტმენტ გრუპი, Pcshop.ge, აუთსორს კომპანია, საგანმანათლებლო, საკონსულტაციო, სერვერული, ბათუმის იახტ კლუბი და ა.შ.

ამავე დროს, საკუთარი დატა-ცენტრის მეშვეობით, კომპანია ორგანიზაციებს აწვდის Microsoft Azure Stack-ზე დაფუძნებულ უახლეს ქლაუდ სერვისებს.

UGT-ს 50-ზე მეტი პარტნიორი ჰყავს მსოფლიოს მასშტაბით, მათ შორის HPE, Dell Technologies, Microsoft, Check Point, IBM, Oracle და სხვა კორპორაციები.

კომპანიის 2020/2019-ის ფინანსური შედეგები კი ასეთია:

მლნ ლარი