თბილისი (GBC) – ჰორეკა სექტორში (სასტუმრო/რესტორანი/ტურიზმი)  პრობლემური  სესხების წილი კლავ ყველაზე მაღალ ნიშნულზე რჩება.

სებ-ის სტატისტიკით, სავალუტო (აშშ დოლარი, ევრო) პორტფელში  13%-ია (367 მლნ ლარი),  ლარის სესხების 10% (₾65 მლნ ) გაპრობლემებული რჩება. ყველაზე მაღალი 15% -177 მლნ-ის აშშ დოლარშია, თუმცა მნიშვნელოვნად დაკლებულია. 2020-ის დეკემბრისთვის 19%-ს ( 220 მლნ ლარის) აღწევდა. უკეთესი მდგომარეობაა ევროს პოტფელში 10%-იანი გაფუჭებით (190 მლნ ლარის). კოეფიციენტი გასული წლის დეკემბრიდან  მხოლოდ 1%პ-ით არის მომატებული 

როგორც იცით, უმოქმედო სესხები (არასტანდარტული, საეჭვო, უიმედო)  100%-მდე სარეზერვო მოთხოვნით  რეგულირდება.

სასტუმრო-სარესტორნე ბიზნესის დაკრედიტების წილი შემცირებულია. 1.12.2021-ის მდგომარეობით 2.044 მლრდ ლარია (წილი: 10.4%).

სამასპინძლო ბიზნესს რამდენიმე თვეა რაც ძირითადი შეზღუდვები მოეხსნა.  1 ივლისიდან, კომენდანტის საათის გაუქმების შემდეგ კი სტუმრების 00;00 სთ-მდე გასტუმრების რეგულაცია მოქმედებდა. მწვანე პასპორტის შემოღებიდან (01.12.2021) კი  შეზღუდვა მოხსნილია

იურიდიული პირების დაკრედიტების საერთო მოცულობის 58% მხოლოდ 3 დარგზე - მრეწველობაზე, მშენებლობასა და ვაჭრობაზე მოდის..