თბილისი (GBC) - ყაზახეთთან საექსპორტო პროდუქტებში მსუბუქი ავტომობილებით ვაჭრობა ლიდერობს.

2021 წლის იანვარ-ნოემბრის მონაცემებით, ყაზახეთში $19,7 მლნ-ის 1809 მსუბუქი ავტომობილი ექსპორტირდა. მეორე ადგილზე ღუმელები და კამერებია, რომელთა ჯამურმა რაოდენობამ იმავე პერიოდში $14,7 მლნ შეადგინა.

ექსპორტში მესამე ადგილზე მინერალური და მტკნარი წყლებია $11,3 მლნ-ის ოდენობით. მეოთხეზე $9,3 მლნ-ის ღირებულების ცენტრიფუგები (აგრეგატები, სითხის ან აირის საფილტრავი, გასაწმენდი), ხოლო მეხუთე ადგილი კი $8,9მლნ-ით ყურძნის ნატურალურმა ღვინოებმა დაიკავა.

რაც შეეხება ყაზახეთიდან იმპორტს, 2021 წლის იანვარ-ნოემბერში ხუთეულში საპარსი საშუალებები და დეოდორანტები ლიდერობს $3,5 მლნ-ით.

მეორე ადგილზეა ნავთობის აირები და აირისებრი ნახშირწყალბადები $1,1 მლნ. იმპორტში მესამე ადგილს ნავთობი და ნავთობპროდუქტები იკავებს $1,09 მლნ-ით. მეოთხე ადგილზე $1,01 მლნ-ით სატვირთო ავტომობილებია, ხოლო მეხუთეზე კი $0,9 მლნ-ით ტრანსფორმატორები და ელექტრული გარდამქმნელები.

2021 წლის იანვარ-ნოემბერში ყაზახეთთან საგარეო ვაჭრობამ $103 მლნ შეადგინა, აქედან $18 მლნ იმპორტის წილია, ხოლო $85 მლნ ექსპორტის.