თბილისი (GBC) - შპს ,,ტოიოტა კავკასია’’ 2021 იანვარ-ნოემბრის მონაცემებით ადგილს  ტოპ 5 ექსპორტიორ კომპანიაში კარგავს. მას   შპს ,,სტიილ ინტერნეიშენელ ტრეიდინგ კომპანი’’ ანაცვლებს.

იმავე პერიოდში, ექსპორტიორთა ხუთეული შემდეგნაირად გამოიყურება - სს RMG Copper, შპს ჯორჯიან მანგანეზი, სს რუსთავის აზოტი, შპს სტიილ ინტერნეიშენელ ტრეიდინგ კომპანი და შპს Caucasian Metals Terminal. 2020-ის ანალოგიურ პერიოდთან შედარებით, ხუთეული ტოიოტა კავკასიის გარდა, უცვლელია. 

2020 წლის ანგარიშგებით, ტოიოტა კავკასიას მომხმარებელთა ხელშეკრულებიდან მიღებული შემოსავალი $167.5 მლნ-ია, რაც 33.7%-ით ნაკლებია 2019 წლის მონაცემზე (2019-$256.6 მლნ). ამავე ანგარიშით, კომპანიის წლის მოგება $9.55 მლნ-ია, რაც 45.7%-ით ნაკლებია 2019 წლის პერიოდზე (2019-$17.6 მლნ).

მიუხედავად ასეთი ვარდნისა, კომპანია 2020 წელს ტოპ 5 ექსპორტიორ კომპანიაში მაინც ფიქსირდებოდა, თუმცა, 2021 წლის იანვარ-ნოემბრის მონაცემებით, ის ტოპ 5-ში აღარ ფიქსირდება.

მსუბუქი ავტომობილების ექსპორტმა 2021 წლის იანვარ-ნოემბერში $418 მლნ შეადგინა, ჯამში 57,982 ერთეული ავტომობილი, რაც წლიურად 15% -ით და 56.6%-ით გაიზარდა, შესაბამისად. (2020 იან-ნოემ- $365მლნ-37,019).

,,სტიილ ინტერნეიშენელ ტრეიდინგ კომპანი’’ 2018 წელს დაფუძნდა, რომლის 100%-იანი წილი გიორგი ჭელიძეს ეკუთვნის. კომპანიის საქმიანობა ფეროსილიკომანგანუმით, კოქსით, ქვანახშირით და სხვა ლითონებით ვაჭრობაა. მან 2019 წელს შეიძინა შპს ,,საქნახშირი’’-ს 100%-იანი წილი.

მლნ $