თბილისი (GBC) - საქართველოს ეროვნული ბანკი "საქართველოს მეფეების“ სერიის დავით აღმაშენებლის ოქროს საკოლექციო მონეტების გაყიდვას იწყებს. დავით აღმაშენებლის თემაზე შექმნილი საკოლექციო დანიშნულების 5 ლარის ნომინალის ოქროს მონეტის რეალიზაცია 2021 წლის 13 დეკემბერს, 10:00 საათზე დაიწყება.

მონეტის სარეალიზაციო ფასია 1500 ლარი.

იმისათვის, რომ მონეტის შეძენა შეძლოს მაქსიმალურად ბევრმა კოლექციონერმა,  ეროვნული ბანკის გადაწყვეტილებით,  მონეტის  რეალიზაციის დაწყებიდან პირველი 5 დღის განმავლობაში დაწესდება შეზღუდვა - ერთ მომხმარებელს შეეძლება შეიძინოს ერთი ცალი მონეტა.

საკოლექციო მონეტის შეძენა მხოლოდ ელექტრონული პლატფორმის - www.tkt.ge - ის საშუალებით იქნება შესაძლებელი. მონეტების შეძენის წესებსა და პირობებს გთხოვთ წინასწარ გაეცნოთ ბმულზე.