თბილისი (GBC) – სებ-ის სტატისტიკით, 01.11.21 -ის მდგომარეობით, საბანკო სექტორის მოგების გადასახადი - 210 მლნ ლარია, პანდემიამდელ 2019-ის ანალოგიურ პერიოდის მაჩვენებელზე (82 მლნ) 3-ჯერ მეტი (Q3/2021 – ₾192.5 მლნ ).

85.3% კი 2 ბანკის შენატანზე მოდის (Q3/2019 -82%). 

წყარო: ეროვნული ბანკი (ბანკების ფინანსური მოგების გადასახადი  °* და არა საგადასახადო მოგება)

მოგების გადახდის ვალდებულება კომპანიებს და მათ შორის, ბანკს წელში 4-ჯერ უდგება, თუმცა ბალანსის ვადამდე შევსებაც არ იზღუდება. საგადასახადო კოდექსის თანახმად, 2021 წლის დეკლარაციის წარდგენის ვადა 2022 წლის 1 აპრილამდეა, 4-ად განაწილებული (25%+25%+25%+25%)  მოგების გადასახადი (განაკვეთი -15%) კი  არაუგვიანეს 15/05;15/07;15/09 და 15/12  სტუმრდება.

2022 წლის ბიუჯეტში მოგების გადასახადის საპროგნოზო მაჩვენებელში, 1/3-მდეა ბანკების გადასახდელი ულუფა (₾ 400  მლნ).

როგორც იცით, 2017 წელს ამოქმედებული შეღავათიანი ნორმით რეინვესტირებული მოგების გადასახადისგან საფინანსო კომპანიების გარდა (ბანკი, მისო, ლომბარდი) ყველა გათავისუფლდა 2018 -დან საბიუჯეტო ორგანიზაციებიც (აიპი, სსიპი...) . ბანკებისთვის 2023 წლამდეა გადავადებული.

საბანკო ასოაციაციის  პრეზიდენტმა ალეკო ძნელაძემ ბიზნესფორმულაზე იმედი გამოთქვა, რომ 2023-დანაც არ გადავადდება, რაც  ეკონომიკისთვის სასიცოცხლოდ მნიშვნელოვანია, რადგან ეს ნიშნავს  სექტორში მეტი კაპიტალის დარჩენას, მეტ გრძელვადიან ლარს და ეკონომიკაში 10-მაგად დაბრუნებას. ძნელაძის თქმით გადავადების ნიშნები არ ჩანს.

გადავადების საფრთხეს ბიუჯეტის დიფიციტის შემცირების გეგმა აჩენს. 2020-ში 9 %-ს გაცდენილი ბიუჯეტის დეფიციტი, წელს,  მთავრობის მოლოდინით 6.5% -მდე  ჩამოვა, 2022 -ში კი 4.4% -მდე, რაც 2023 წლის სამიზნეზე (3%) გასვლის შესაძლებლობას აჩენს. სებ-ის რეკომენდაციის მიუხედავად 2022 -ის ბიუჯეტში ფინანსთა სამინისტრო დიფიციტს ვერც 4%-ს ჩამოაცდენს და ვერც.4,4%-ს, რის გამოც სებ-ი იძულებულია მონეტარული პოლიტიკის  გამკაცრებით,  ფული გააძვიროს, რაც ასევე  არტყამს ეკონომიკას.