თბილისი (GBC) - 1 დეკემბრიდან რესტორნები სტუმრებს 23:00 სთ-დანაც გაუმასპინძლდება. შეზღუდვა მოიხსნა კინოთეატრის, თეატრის და ოპერის მაყურებლისთვისაც. დასაშვები რაოდენობა 30-დან 50%-მდე გაიზრდება.

რესტორნებში სტუმრების რაოდენობასთან დაკავშირებით მოქმედი შეზღუდვა ამ ეტაპზე ძალაში რჩება და აღნიშნული რეგულაციის შემსუბუქებაზე საკოორდინაციო საბჭო ეპიდემიოლოგიური ვითარების ანალიზის საფუძველზე იმსჯელებს.

ამასთან, საკოორდინაციო საბჭოს გადაწყვეტილებით, საქართველოში ვაქცინირებული საქართველოს მოქალაქე, რომელიც ქვეყანაში სახმელეთო საზღვრით ბრუნდება, PCR-ტესტის წარდგენის ვალდებულებისგან თავისუფლდება.

როგორც იცით, დეკემბრიდან მწვანე პასპორტის შემოდის. პასპორტიანი პირი თუ ვაქცინირებულია სრულად, ჩატარებული აქვს 72-საათიანი ვალიდურობის PCR-ტესტი ან 24-საათიანი ვალიდურობის ანტიგენ-ტესტი, ან გადატანილი აქვს კორონავირუსი.

საბჭოს გადაწყვეტილებით, კორონავირუსული ინფექციის გადატანის შემთხვევაში, 6-თვიანი შეზღუდვა მოხსნილია. „მწვანე პასპორტის“ მოთხოვნა იმოქმედებს >18 წლის ასაკის მოქალაქეებისთვის;

შეგახსენებთ, რომ  საბაზო ობიექტებში (კლინიკა, მაღაზია, აფთიაქი ..) უპასპორტოებს შესვლა არ ეზღუდეა.