თბილისი (GBC) - ქვეყნის III პრეზიდენტს დღემდე მიეწოდებოდა  ჯანმრთელობის უსაფრთხოებისთვის ყველა საჭირო  სამედიცინო რესურსი, - გორის ჰოსპიტალთან, სადაც მიხეილ სააკაშვილი უნდა გადაიყვანონ, ჯანდაცვის მინისტრმა თქვა, რომ პრეზიდენტი ციხის სამედიცინო დაწესებულებიდან მულტიპროფილურ ჰოსპიტალში იმიტომ არ  გადაჰყავთ, რომ ციხის დაწესებულებაში მასზე  არასათანადოდ ზრუნავდნენ. ეკატერინე ტიკარაძის თქმით, სააკაშვილის გადაყვანა ემსახურება ქვეყანაში დაძაბულობის მოხსნას. შიმშოლობის  კასკადის დასრულებას, რამაც ბოლო დროს ეპიდემიური  ხასიათი მიიღო.

მინისტრი იმედოვნებს, რომ სააკაშვილი შიმშილობას შეწყვეტს, აქციები შეწყდება და მღელვარება დაცხრება. ქვეყანაში ცხოვრება მშვიდ ვითარებაში გაგრძელდება. 

ტიკარაძის ინფორმაციით,  გორის ჰოსპიტალში აპარატურის გაუმართაობის შესახებ ინფორმაცია მცდარია. კლინიკა სრულად აღჭურვილია  მატერიალურ ტექნიკური  ბაზით.

III პრეზიდენტი არც ახლა იმყოფება რეანიმაციულ განყოფილებაში და მინისტრი დარწმუნებულია, რომ  სამომავლოდაც არ  დგას ეს რისკი.