თბილისი (GBC) – TBC-ის უზბეკურმა გადახდის სისტემამ Payme-მ 31 ოქტომბრის მდგომარეობით, 3.8 მლნ ლარიანი წმინდა მოგება მიიღო, რაც 39%-ითაა გაზრდილი (y.y).

ამავე დროს, კომპანიამ საანგარიშო პერიოდში 6.7 მლნ ლარის შემოსაალი მიიღო (+54.6%/y.y).

იმავე პერიოდში, ტრანზაქციების რაოდენობამ 27 მილიონი შეადგინა, რაც წლიურად 47.6%-ით გაიზარდა, ხოლო ტრანზაქციების მოცულობა კი 1.2 მლრდ ლარს გაუტოლდა, რაც ასევე წლიურად 58.8%-ით გაიზარდა.

ბანკის CEO-ს, ვახტანგ ბუცხრიკიძის განცხადებით, Payme-მ განაგრძო ძლიერი ზრდა და რეგისტრირებული მომხმარებლების რაოდენობამ 4 მლნ-ს მიაღწია, ხოლო აქტიური მომხმარებლების რაოდენობა კი 0.9 მლნ-ია.

Payme-ს მომსახურებები მოიცავს QR გადახდებს, ციფრულ საფულეს, მერჩანტის შენაძენს,  სესხის დაფარვას, P2P ტრანსფერებს და სხვა.

2021 წლის 9 თვეში ჯგუფის წმინდა საკომისიოდან და მოსაკრებლიდან მიღებულმა შემოსავალმა 176.9 მლნ ლარი შეადგინა, რაც წინა წელთან შედარებით 35.5%-ით მეტია. აღნიშნული ზრდა მნიშვნელოვნად იყო მხარდაჭერილი სწორედ Payme-ს ტრანზაქციებით.