თბილისი  (GBC) - ჯეოფაიფმა ჯარიმის შემდეგ, კონკურენციის სააგენტოს შეტყობინების საფასური 5 000 ლარი გადაიხადა (₾15 000 სექტემბერში აქვს გასტუმრებული). გათბობის სისტემების ტექნიკის იმპორტიორი, საბითუმო და საცალო მოვაჭრე, კონკურენციის სააგენტომ, მისი გვერდის ავლით გამსხვილების გამო დააჯარიმა. 

სააგენტოს ცნობით, კონკურენციის საქმის წარმოება  "ჯეოფაიფის მიერ „სიბელის" 100%-იანი წილის შეძენის გამო დაიწყო. როგორც იცით ბრუნვის 5%-მდე  დაჯარიმებას ექვემდებარება  მყიდველი, თუ კონცენტრაციაში მონაწილე  2 კომპანიის ჯამური ბრუნვა 20 მლნ ლარს და თითეულის 5 მლნ ლარს აღემატება.  "ჯეოფაიფის" ბრუნვა 30 მლნ ლარს აღემატება 

განახლებული კანონმდებლობის ფარგლებში, 2020 წლის 4 ნოემბრიდან , სააგენტომ  16 552 კონცენტრაცია შეისწავლა. 

სააგენტოს გვერდის ავლით, უწყების მიერ შეტყობინების განხილვამდე ან უარყოფითი დასკვნის მიუხედავად, კონცენტრაციის განხორციელების შემთხვევებში, განისაზღვრება ჯარიმა - მაქსიმუმ, 5%-მდე მოცულობით. კონცენტრაციის შესახებ შეტყობინების განხილვის საფასურია 5000 ლარი.