თბილისი (GBC) - კომპანია Potato.ge $40,000-ად იყიდება. Potato.ge პირველი კომპანიაა საქართველოში, რომელიც საშუალებას აძლევს მომხმარებლებს, სახლიდან გაუსვლელად შეუკვეთონ ქართული კარტოფილი და მიიღონ პირდაპირ სახლში.

კომპანია 2018 წლის სექტემბერში დაფუძნდა და ამჟამად საიტზე ხუთი სახეობის კარტოფილი იყიდება, რომელსაც პარტნიორი ფერმერებისგან იბარებენ.

გაყიდვის მიზეზად კომპანიაში შემცირებულ გაყიდვებს ასახელებენ.

ამბობენ, რომ ახლა თვეში 10-15 ტონა კარტოფილს ყიდიან, როცა ადრე 20-25 ტონა კარტოფილს ყიდდნენ.

გაყიდვები მათი თქმით საერთო ჯამში 10-15%-ითაა შემცირებული, რასაც ძირითად შემთხვევაში მოსახლეობის შემოსავლების კლებას უკავშირებენ. ამავე დროს, კარტოფილის მიტანის სერვისი პანდემიაში უფრო პოპულარული იყო, ახლა კი ხალხი თავად გადის სახლიდან მის საყიდლად.

რაც შეეხება ფასებს, Potato.ge-ს წარმომადგენელი აცხადებს, რომ პანდემიამდე კარტოფილის ფასი 1 ლარი იყო, პანდემიის პერიოდში გასულ წელს ფასი 2.5 ლარამდეც ავიდა, ხოლო ახლა 1.5 ლარზეა დასტაბილურებული.

კომპანიის წლიური შემოსავლები 300,000 ლარია.

ჯერ-ჯერობით კომპანიის ყიდვაზე ინტერესი არავის გამოუხატავს