თბილისი (GBC) -  ფარმაცევტული ბაზრის კვლევის შუალედური ანგარიშით, მომხმარებლის დიდ მაღალ დანახარჯებს ძირითადად განაპირობებს პროტექციონისტური სქემა: ბაზარზე წარმოდგენილი ჰოლდინგური სისტემები, რომელიც გარკვეულწილად კომერციული ინტერესის მატარებელია. მომხმარებელი  არჩევანისას არაინფორმირებულია. ჯენერიკული და ურთიერთჩამნაცვლებელი მედიკანტები ნაკლებად პოპულარულია ობა, ბაზარზე წარმოდგენილი ჰოლდინგური სისტემები, რომელიც გარკვეულწილად კომერციული ინტერესის მატარებელია.

საქართველოს კონკურენციის ეროვნული სააგენტო ფარმაცევტული ბაზრის მონიტორინგის შუალედური შედეგები 2016 -2020 წელს მოიცავს.

ამასთან, არასაკმარისი საკანონმდებლო რეგულირება იწვევს რეცეპტის/დანიშნულების გამომწერს და ფარმაცევტულ კომპანიას შორის შესაძლო ინტერესთა კონფლიქტს, ანგარებიან ურთიერთობას. სააგენტოს რეკომენდაციების ძირითადი ნაწილი მოიცავს შესაბამის საკანონმდებლო ცვლილებებს. 

კონკურენციის ეროვნული სააგენტოს მიერ მოცემულია 11 რეკომენდაცია: მხოლოდ გენერიკული რეცეპტი/დანიშნულება; გენერიკული ჩამანაცვლებლის მითითება; „თავისუფალი ფასწარმოქმნის“ პოლიტიკის გადახედვა; ბაზრის ჰოლდინგური სტრუქტურის შეზღუდვა; ბაზრის ვერტიკალური და ჰორიზონტალური ინტეგრაციის შესაძლო უარყოფითი შედეგების კონტროლი; სამკურნალო გაიდლაინების სრულყოფა; GMP სტანდარტის შემოღება; მხოლოდ ელექტრონული რეცეპტის/დანიშნულებს ერთიანი სისტემის დანერგვა; რეცეპტის/დანიშნულების განგრძობადი კონტროლი; სანქცირების მექანიზმის გამკაცრება და ეფექტიანი კონტროლი; რეცეპტის/დანიშნულების გამომწერ პირსა და ფარმაცევტულ კომპანიებს შორის ურთიერთობის მაქსიმალური გამჭვირვალობისა და საჯაროობის უზრუნველყოფა.

ბაზრის მონიტორინგით, იმპორტირებული მედიკამენტების ფასი მზარდია

 3 მსხვილი კომპანიის (გეფა /ფარმადეპო, GPC/; PSP ფარმა; ავერსი ფარმა) საერთო წილი ბაზრის იმპორტის დონეზე სტაბილურად მაღალია,  კერძოდ: 2016 წელი - 56.6%, 2017 წელი - 69%,3 2018 წელი - 70%, 2019 წელი - 68.8%, 2020 წელი - 67.5%. აღნიშნული განაპირობებს შესაბამის ბაზრებზე/ურთიერთჩამნაცვლებელი პროდუქტების დონეზე შესაძლო დომინანტური მდგომარეობის მოცემულობას.