თბილისი (GBC) - სარეიტინგო სააგენტო Fitch-ი TBC Bank-ის მიერ დოლარში დენომინირებულ $75 მლნ-იან (Tier 1) სუბორდინირებული ობლიგაციების ახალ ემისიას, საბოლოო გრძელვადიან ‘B-‘ რეიტინგს ანიჭებს.

რეიტინგი შესაბამისობაშია და უცვლელია 25 ოქტომბერს, Fitch-ის მიერ მოსალოდნელი ემისიისთვის მოსალოდნელი რეიტინგის მინიჭებასთან. თუმცა, 25 ოქტომბრისთვის საუბარი იყო $100 მლნ-იანი ობლიგაციების ემისიაზე, რაც $25 მლნ-ით შემცირდა.

რეიტინგი ბანკის სიცოცხლისუნარიანობის რეიტნგს (VR) ‘bb-‘ - ს სამი საფეხურით ჩამოუვარდება.

Fitch-ის საბანკო რეიტინგის კრიტერიუმების მიხედვით, ეს არის ყველაზე მაღალი რეიტინგი, რომელიც მოცემულ სიტუაციაში ბანკის მსგავს ობლიგაციებს შეიძლება მიანიჭოს.

ობლიგაციებს არ ექნება გამოსყიდვის დადგენილი თარიღი - უვადოა. თუმცა, TBC-ს აქვს შესაძლებლობა გადაიხადოს კუპიურები პირველი კუპონის დარეზეტების თარიღამდე სამი თვით ადრე (2027 წელს) და ყოველი მომდევნო პროცენტის გადახდის თარიღზე, ეროვნული ბანკის დამტკიცების შესაბამისად.

Fitch-ის ცნობით, ობლიგაციები მარეგულირებელ კაპიტალად კვალიფიცირდება (ბანკი ჩაითვლის კაპიტალში).

კუპონის შეზღუდვის რისკი შერბილებულია TBC-ის სტაბილური ფინანსური მაჩვენებელების გათვალისწინებით (ROE & ROA მაღალი კოეფიციენტი, მაღალი ლიკვიდობა და ბუფერების ვადამდე გადაფარვა... )

ბანკს უფელბა აქვს არ გადაიხადოს კუპონი იმ შემთხვევაში თუ მაგალითად CET1 კაპიტალის ადექვატურობის კოეფიციენტი 5.125%-ზე დაბლა დაეცემა ან თუ ბანკი სებ-ის მიერ დაგახდისუუნაროდ გამოცხადდება და დამატებითი კაპიტალი დასჭირდება.