თბილისი (GBC) – Georgia Capital-მა (GCAP) ბოლო ორ კვირაში 97,000 ცალი თავისი აქცია გამოისყიდა.

აქციების გამოსყიდვა 15, 18, 21, 26, 28 და 14 ოქტომბერს, ლონდონის საფონდო ბირჟზე განახორციელა, ჯამში გამოისყიდა 97,000 ცალი ჩვეულებრივი აქცია.

აღნიშნული პერიოდის ტრანზაქციებში, თითოეულ აქციაზე მინიმალური ფასი 28 ოქტომბერს - £6.03, როცა GCAP-მა 17,000 ცალი აქცია გამოისყიდა, ხოლო მაქსიმალური ფასი 15 ოქტომბერს, £6.32 დაფიქსირდა, როცა 10,000 ცალი აქცია გამოისყიდა.

15-დან დღემდე GCAP-ის აქციებზე ფასი კლების ტენდენციით გამოირჩევა, დღეს კი ფასი £602-605-ში მერყეობს.

ტრანზაქციების შედეგად, დღეისთვის GCAP-ის სააქციო კაპიტალი 47,323,703 აქციით განისაზღვრა.

გამოსყიდვის მიზანი აქციების გაუქმება და კაპიტალის შემცირებაა. კომპანიას 1 ოქტომბრისთვის უკვე 300,000 ცალი აქცია ჰქონდა გაუქმებული. ბოლოს კი 11 ოქტომბერს, 54,000 აქცია გააუქმა. $10 მლნ-იანი აქციების გამოსყიდვის და გაუქმების პროგრამა GCAP-მა 10 აგვისტოს დაამტკიცა.