თბილისი (GBC) - საქართველოს სავაჭრო პარტნიორი ქვეყნების ცენტრალური ბანკების ნაწილს 2021 წლის მესამე კვარტალში, გაზრდილი ინფლაციური წნეხისა და ინფლაციური მოლოდინების საპასუხოდ, მონეტარული პოლიტიკის განაკვეთების კიდევ უფრო გამკაცრება მოუწიათ. თუმცა  სებ-ის პოლიტიკა, კავკასიის და ცენტრალური აზიის 7 ქვეყანას შორის, უზბეკეთის და ტაჯიკეთის შემდეგ, მესამეა.

სებ-ის მონეტარული პოლიტიკის ანგარიშით, რაც შეეხება აშშის ფედერალურ სარეზერვო სისტემას, იგი ფედერალური ფონდების განაკვეთს 0-0.25%იან შუალედში ინარჩუნებს, თუმცა შეიქმნა მოლოდინები, რომ აშშ-ში საპროცენტო განაკვეთების ზრდა უფრო ადრე (2022 წელს)დაიწყება, ვიდრე ამას შარშან მოელოდნენ. ამავე დროს, ევროპის ცენტრალურ ბანკის პოლიტიკის განაკვეთი კვლავ უცვლელად, 0%ის დონეზე რჩება. ამასთან, აღსანიშნავია, რომ, გლობალური პანდემიის ფონზე, ევროზონაში ფართო რაოდენობრივი შერბილების პროგრამა 2022 წლის მარტამდე გახანგრძლივდა.