თბილისი (GBC) – TBC Bank Group PLC (TBC PLC) FTSE 250 ინდექსში 27 ოქტომბრიდან ბრუნდება.

მიზეზი ბრიტანული Morrison სუპერმარკეტების FTSE 100 ინდექსიდან, სასამართლო სანქციის გამო, გამოვარდნაა.  

კომპანიის ინდექსიდან გამოვარდნამ ცვლილება ასევე ბრიტანულ Darktrace-ზე იქონია, რომელმაც 100-ეულში ჩაანაცვლა, ხოლო Darktrace-ის გადანაცვლებამ კი TBC PLC FTSE 250-ში დააბრუნა.

TBC PLC FTSE 250 -დან 4 მაისიდან გამოვარდა და FTSE SmallCap ინდექსში გადაინაცვლა (SmallCap Index რეალურ დროში გამოითვლება და ყოველ წუთში ქვეყნდება).  

ის ბრიტანული Wickes Group –ის  Travis Perkins-დან გამიჯვნის და ფიქსირებული ინდექსების ხელახალი რანჟირების შემდეგ დაზარალდა.  

TBC - ის აქციები ლონდონის საფონდო ბირჟაზე 2014 წლიდან ივაჭრება, პრემიუმ ლისტინგში 2016 წელს გადაინაცვლა.

TBC PLC-მ ლონდონის საფონდო ბირჟის FTSE 250-ის ინდექსში შესვლაზე 2017 წლის ივნისში განაცხადა, რაც  ლონდონში დალისტულ TOP 350-ში მოხვედრას ნიშნავს, საბაზრო კაპიტალიზაციით უმსხვილეს კომპანიებს შორის.

FTSE 250 ლონდონის საფონდო ბირჟის მე-2 უმსხვილესი ინდექსია, რომელიც აერთიანებს სიდიდით 101-დან 350-მდე კომპანიას.

FTSE SmallCap ინდექსი კი მცირე საბაზრო კაპიტალიზაციის კომპანიების ინდექსია, რომელიც მოიცავს 351-დან და 619-ე მსხვილ კომპანიებს ლონდონის საფონდო ბირჟაზე.

იხილეთ მეტი: http://gbc.ge/index.php?newsid=119043