თბილისი (GBC) - უმოქმედო სესხების წილი მთლიან იპოთეკურ სესხებში მზარდია. 2020 წელს მსგავსი სესხების წილი მთლიან იპოთეკურ პორტფელში 7.6%-ს შეადგენდა, რაც თითქმის სამჯერ აღემატება პანდემიამდელ მაჩვენებელს. კერძოდ, 2018 წელს მსგავსი სესხების მოცულობა 2.7% იყო, 2019-ში 2.6%.

მიმდინარე წლის მეორე ნახევრიდან უმოქმედო იპოთეკური სესხების წილმა შემცირება დაიწყო. წლის განმავლობაში მსგავსი სესხები ყველაზე მაღალ ნიშნულზე მარტში იყო - 7.7% ფარგლებში, აგვისტოში კი 4.7%-მდე ჩამოვიდა.

ჯამში იპოთეკური სესხების ზრდის ტემპი, ისევე როგორც სხვა სახის სესხების გაზრდილია. აგვისტოში იპოთეკის ზრდის ტემპი 13.4% იყო, 2020 წლის ანალოგიურ პერიოდში 10.8%.

ბანკების მთლიან დაკრედიტებაში კი ოპეთეკების წილი 22%-ს შეადგენს.