თბილისი (GBC) - ლონდონის საფონდო ბირჟაზე გასულ კვირას ქართული კომპანიების კაპიტალიზაცია 74 მლნ ფუნტით გაიზარდა და 1.9 მლრდ ფუნტი შეადგინა.

საქართველოს ბანკის კაპიტალიზაცია 790 მლნ ფუნტია, თიბისის - 811 მლნ, საქართველოს კაპიტალის 293 მლნ.

საქართველოს ბანკის ჯგუფის (BGEO LN) აქციები დაიხურა 16.06 ბრიტანულ ფუნტ სტერლინგში (GBP), წინა კვირასთან შედარებით 2.42-ით მაღალი ნიშნულით. ვაჭრობის მოცულობამ 81 000 აქციაზე მეტი შეადგინა.

Georgia Capital-ის (CGEO LN) აქციები დაიხურა 6.11 ბრიტანულ ფუნტ სტერლინგში (GBP), უცვლელი წინა კვირასთან შედარებით. ვაჭრობის მოცულობა 310 000 აქციით განისაზღვრა.

თიბისი ბანკის ჯგუფის (TBCG LN) აქციების ფასი წინა კვირასთან შედარებით 2.8%-ით გაიზარდა და 14.7 ბრიტანულ ფუნტ სტერლინგში (GBP) დაიხურა. ვაჭრობის მოცულობამ 107 000 აქციაზე მეტი შეადგინა.