თბილისი (GBC) - საინვესტიციო ბანკმა Galt&Taggart-მა მიმდინარე წლის საქართველოს ეკონომიკური ზრდის პროგნოზი 9.5%-მდე გაზარდა. ბანკის წინა პროგნოზი 8.6% იყო. მიზეზად აგვისტოში ორნიშნა ეკონომიკური ზრდა სახელდება. „აგვისტოში ზრდა მოლოდინზე მეტი აღმოჩნდა. ამის მიზეზი კი ფისკალური ხარჯვა, გაზრდილი ფულადი გზავნილები და ექსპორტის გაზრდილი მაჩვენებლებია“.

G&T-ის ოპტიმისტური სცენარით ზრდა 11.2% იქნება. რისკები რომელმაც ზრდაზე უარყოფითად უნდა იმოქმედოს შემცირებულია. კერძოდ, არ არის მოსალოდნელი ახალი შეზღუდვების დაწესება ვირუსის შესაკავებლად, ამასთან სტაბილური ვითარება ნარჩუნდება არჩევნების შემდეგ.

რაც შეეხება 2022 წელს G&T 5.5%-იან ზრდას ელის, თუმცა პროგნოზი გადაიხედება, თუკი ტურისტების რაოდენობა მზარდი იქნება.