თბილისი (GBC) – კარჩაკეტილობამ და დოლარის გაძვირებამ ქართველი ტურისტების ხარჯები ძალიან არ შეამცირა.

ეროვნული ბანკის სტატისტიკით,   საქართველოს მოქალაქეებმა  უცხოეთში აგვისტოში  256 მლნ  ლარი ივაჭრეს.  რაც წინა თვის (07/2021)  ხარჯებზე (₾ 247 მლნ ) მეტია (08/2020 – 158 მლნ; 08/2019 – 210.2 მლნ)

პანდემიამდელ პერიოდთან შედრებისას, თუ  კურსის ცვლილებას გავითვალისწინებთ, დანახარჯები ზრდა 0.9% -ს არ აღემატება. ტრანზაქციების 84% უნაღდოა.  უცხოეთში განაღდებებზე  მხოლოდ 42 მლნ  მოდის.

საბარათე ტრანზაქციების მთლიანი მოცულობა, ქვეყნის შიგნით და გარეთ,მ არარეზიდენტების ოპერაციების  ჩათვლით, 3.9 მლრდ ლარია.

სულ, მიმოქცევაში 6.7 მლნ  საბანკო ბარათია, მათ შორის 558 000 საკრედიტო.