თბილისი (GBC) - კაპიტალის ბუფერები პანდემიამდელ დონემდე ჯერ კიდევ აღსადგენია, სარეიტინგო სააგენტო Fitch-ი თავის მიერ შეფასებულ ბანკებსა და მათ გადახდისუნარიანობაზე საუბრობს.

ორმა ყველაზე მსხვილმა ბანკმა TBC-მ და საქართველომ ზაფხლში უკვე განაცხადეს, რომ სებ-ის მიერ გამოთავისუფლებული ბუფერების გამოყენებას აღარ აპირებდნენ და შესაბამისობაში იყვნენ პრე-პანდემიურ მოთხოვნებთან.

მათ ნახევარწლიური დივიდენდი გამოაცხადეს კიდეც და TBC-მ უკვე 17 სექტემბერს დაიწყო 83 მლნ ლარის გადახდა, ხოლო საქართველოს ბანკმა კი 70.5 მლნ ლარის 25 სექტემბერს (საქართველოს ბანკის ჯგუფი კი 70.4 მლნ ლარის დივიდენდს 5 ნოემბერს გადაიხდის).

სებ-ის მოთხოვნით, ბანკებს კაპიტალის ნებისმიერი ფორმით, მათ შორის დივიდენდის განაწილება კაპიტალის ბუფერების აღდგენამდე შეზღუდული აქვთ.

Fitch-ის მიერ შეფასებული 7 ბანკიდან 1H21-სთვის ბუფერები მხოლოდ 3-ს, TBC-ს, პროკრედიტს და ბაზისბანკს ჰქონდა აღდგენილი. საქართველოს ბანკმა ბუფერები 1H21-სთვის ვერა, თუმცა ივლისში აღადგინა რაზეც სებ-ს შეატყობინა და ნახევარწლიური დივიდენდიც გაანაწილა.

1H21-სთვს ბუფერები აღდგენილი არ აქვს არც ლიბერთის, არც ტერა ბანკს და არც ხალიკ ბანკს. ლიბერთის და ტერას 2024 წლამდე სავალდებულოდ მარეგულირებლის მოთხოვნა აქვთ დასაკმაყოფილებელი სრულად დატვირთულ ბუფერებზე (Tier 1 და მთლიანი). ხოლო ხალიკს კი სულ მცირე უკლია Tier 1-ის ბუფერზე 2024 წლამდე დაწესებული მოთხოვნის დაკმაყოფილებაზე.

 ფინანსური სტაბილურობის კომიტეტის გადაწყვეტილებით კრიზისის დროს გამოთავისუფლებული ბუფერების აღდგენა ეტაპობრივად მოხდება. კაპიტალის ბუფერების მოთხოვნის აღდგენის დაწყების თარიღად 2022 წლის 1 იანვარი განისაზღვრა და აღნიშნული თარიღიდან ბანკებს კაპიტალის მოთხოვნის სრულად დასაკმაყოფილებლად 2 წელი მიეცათ. არაჰეჯირებული სავალუტო საკრედიტო რისკის (CICR) ბუფერის აღდგენის დროდ 2023 წლის 1 იანვარი დაწესდა, ხოლო კაპიტალის კონსერვაციის ბუფერის მოთხოვნის დასაკმაყოფილებლად კი ბანკებს ვადა 2024 წლის 1 იანვრამდე მიეცათ.

სებ-ი რამდენიმე თვის წინ ბანკების მიერ ბუფერების აღდგენას ვადაზე ადრე პროგნოზირებდა.

Fitch-ის მიერ შეფასებული ბანკები და მათი გადახდიუნარიანობის მაჩვენებლები (1H21):