თბილისი (GBC) – „პანდემიის ზეწოლა საქართველოს საბანკო სექტორზე შემცირდა ძლიერი ეკონომიკური ზრდის ფონზე, მაგრამ აქტივების ხარისხი ბანკების საკრედიტო პროფილებისთვის საკვანძო რჩება“, - ამის შესახებ Fitch Ratings– მა განაცხადა საქართველოზე გამართულ ვებინარზე.

სარეიტინგო სააგენტოს თქმით, სექტორული აქტივების ხარისხის მაჩვენებლები გაუმჯობესდა 2Q21-ში, ბიზნესის აქტივობის აღდგენისა და ლარის გაძლიერების ფონზე, ვინაიდან უმოქმედო სესხები (სამი ყველაზე სარისკო კატეგორია) შემცირდა 6.7% -მდე, 1Q21-ის პიკური 8.3% -დან.

Fitch-ს მიაჩნია, რომ აქტივების ხარისხზე უარყოფითი რისკები კვლავ რჩება და ის დამოკიდებულია ჯანმრთელობის კრიზისის მიმართულებებზე, ხოლო რესტრუქტურირების მაჩვენებლები კვლავ მნიშვნელოვნადაა დამოკიდებული ეკონომიკის აღდგენაზე, განსაკუთრებით ტურიზმსა და მასთან დაკავშირებულ სექტორებში.

მათივე თქმით, დაკრედიტების მაღალი დოლარიზაცია ასევე ბანკების მსესხებლებს დაუცველს ხდის ადგილობრივ ვალუტაში რყევების მიმართ. ხოლო, დოლარიზაციის შემცირება სისტემაში შეიძლება ხანგრძლივი პროცესი იყოს, რაც გრძელვადიანი ლარის დაფინანსებას მოითხოვს.

ბანკების შესრულების მაჩვენებლები წელს გაძლიერდა (ROAE 33% 1H21- ში), რასაც ხელი შეუწყო გამოჯანმრთელებამ და ბიზნესის ზრდამ. წინასწარი გაუფასურების ბუფერები ჯანმრთელია საშუალო მთლიანი სესხების დაახლოებით 5% -ის დონეზე და Fitch-ს სჯერა, რომ ეს საკმარისია იმისათვის, რომ გაუმკლავდეს გაზრდილ სესხების გაუფასურების ხარჯებს.

მათივე დაკვირვებით, გადახდისუნარიანობის მაჩვენებლები თანდათანობით გამოჯანმრთელდა, რასაც საფუძვლად უდევს ძლიერი მომგებიანობა, შემოსავლების შენარჩუნება და ზომიერი საკრედიტო ზრდა.  თუმცა ზოგიერთ ბანკში კაპიტალის ბუფერები ჯერ კიდევ არ დაბრუნებულა პანდემიამდელ დონეს.  

ბუფერები, რომლებიც გათავისუფლდა Covid-19– ის დაწყებისთანავე, 2023 წლის ბოლოსთვის სრულად უნდა აღდგეს, მაგრამ სებ-ი ელის, რომ ბანკები ამას ვადაზე ადრე, 2022 წელს მოახერხებენ.

Fitch-ის განცხადებით, დაფინანსების პროფილები სტაბილური დარჩა. მიუხედავად უცხოური დაფინანსების დიდი წილისა, რომელზეც ვალდებულებების მესამედი მოდის, ბანკებმა შეინარჩუნეს კარგი წვდომა საერთაშორისო ბაზრებზე და  პანდემიის მიუხედავად თავიანთი სესხების რეფინანსირება მოახდინეს.