თბილისი (GBC) - 6 ოქტომბრიდან კვების ობიექტების მუშაობა 1 სთ-ით ხანგრძლივდება. 22:00 სთ-ის  ნაცვლად, 23:00 საათამდე იმუშავებს. 

შეზღუდვა იხსნება კონცერტებსა და ფესტივალის ჩატარებაზე. საკოორდინაციო საბჭოს გადაწყვეტილებით, 9 ოქტომბერს დაგეგმილ საქართველო-საბერძნეთის საფეხბურთო მატჩზე დაიშვება მაყურებლის 33%, სრული ვაქცინაციის დამადასტურებელი დოკუმენტით, 72-საათიანი ვალიდურობის PCR-ტესტის ან 24-საათიანი ვალიდურობის ანტიგენ-ტესტის უარყოფით პასუხით, ან ბოლო 6 თვის განმავლობაში კორონავირუსული ინფექციის გადატანის დამადასტურებელი ცნობით.

საკოორდინაციო საბჭომ, სამსაბათის სხდომაზე აცრების ინტენსივობის გაზრდის და  შესაბამისად მობილური ბრიგადების რეგიონებშის გაგჰზავნის გადაწყვეტილება მიიღო. 

როგორც ცნობილია, ამ დროისთვი ხელმიოსაწვდომია ვაქცინები: „ფაიზერი“, „ასტრაზენეკა“, „სინოვაკი“, „სინოფარმი“. ამასთანავე,1 ოქტომბერს დაემატა1 მილიონი დოზა „სინოფარმი“ .

საქართველოში კორონავირუსის პირველი შემთხვევის გამოვლენიდან (26/02/2020) ვირუსით ინფიცირების 621 420 ლაბორატორიულად დადასტურებული შემთხვევა გამოვლინდა, საიდანაც 593 153 პირი გამოჯანმრთელდა, გარდაცვლილია 9 110 ადამიანი.

ამ ეტაპზე კარანტინში იმყოფება 34 ადამიანი, კლინიკურ სასტუმროებში - 597 მოქალაქე, ხოლო სტაციონარში, მეთვალყურეობის ქვეშ - 4 025 პირი.

.