თბილისი (GBC) – Bank of Georgia Group PLC-ის (BOGG)  აქციონერები 70.4 მლნ ლარის დივიდენდებს 5 ნოემბერს მიიღებენ. მოგება ბორდის მიერ, დივიდენდის და კაპიტალის განაწილების განახლებული პოლიტიკით (ყოველწლიური მოგებიდან  25-40%-ის ნაცვლად, 30-50%) ნაწილდება (1.07.2021 პერიოდისთვის, თითო ჩვეულებრივ აქციაზე -1.48 ლარის გაცემა ჯგუფმა 17 აგვისტოს გამოაცხადა).

დივიდენდები გადაიხდება ნახევარწლიურად და როგორც სებ-ის ვიცე-პრეზიდენტმა ოთხშაბათის ფინანსური სტაბილურობის კომიტეტის (ფსკ) შემდეგ განაცხადა, ეს კაპიტალის მოთხოვნებს ნაკლებად აწვება.

სებ-ი ცალსახად იზიარებს სსფ-ის მოსაზრებას, მოგების განაწილებისგან ბანკების თავშეკავების მიზანშეწონილობაზე.

ოთხშაბათის ფსკ-ს შემდეგ ბიზნეს-მედიის კითხვაზე საპასუხოდ, სებ-ის ვიცე-პრეზიდენტმა აღნიშნა, რომ პანდემიის ამოწურვამდე შენარჩუნებული რისკების პირობებში, საბანკო სექტორს, სებ-მაც თავშეკავება ურჩია. მიუხედავად იმისა, რომ კაპიტალის  ბუფერების აღდგენა ეკონომიკის გაჯანსაღებამ დააჩქარა და ბანკების მომგებიანობა გაზრდილია.

სისტემური ბანკებიდან (TBC, BOG, LB) ბუეფერები 2-მა ვადამდე აღადგინა (ლიბერთის, 01.07.2021-ისთვის არ ჰქონდა აღდგენილი და შემდეგი პერიოდის ცვლილება უცნობია, რადგან საჯარო არ არის).

პაპუნა ლეჟას თქმით, ბანკები, რომლებმაც სებ-ის ინსტრუქციით 2020 -ში ისარგებლეს კაპიტალის შეღავათებით, შეზღუდეს და გააუქმეს დივიდენდები და ბონუსების გაცემა მენეჯმენტზე, სიფრთხილე 2021-შიც შეინარჩუნეს.

მიუხედავად იმისა, რომ 2-მა ბანკმა  დაანონსა მოგების განაწილება, გადსახდელები გაიცემა შეზღუდული მოცულობით.

BOGG-ის აღმასრულებელთა საკომენსაციო 37,500  აქცია, ბოლოს აგვისტოშია შეძენილი და ტრასტი ამ დროისთვის 1,316,353 აქციას იკავებს (BOGG-ს გამოშვებული ჩვეულებრივი აქციების 2.68%-ს).  საბონუსე აქციები, მენეჯმენტისთვის, ზაფხულში თიბისიმაც მოაბილიზა და 83  მლნ ლარამდე დივიდენდებით ინვესტორებიც დააკმაყოფილა, სექტემბერში.