თბილისი (GBC) - ადმინისტრაციული გამყოფი ხაზის მიმდებარე სოფელ ყარაფილაში, ნატურალური სასმელების საწარმო „კომბუჩა“ ხვალ იხსნება.

საწარმოში ადგილობრივები დასაქმდებიან და პროდუქტი ადგილობრივი ნედლეულით დამზადდება. 

სასმელი ახალი, ფერმენტირებული ჩაისგან მიიღება, ბუნებრივად გაზიანი და ჯანსაღი პროდუქტია.

პროდუქცია საქართველოს ბაზარზე სხვადასხვა სავაჭრო ქსელებში გაიყიდება და მომავალში მისი ექსპორტიც განხორციელდება.

„კომბუჩას“ საწარმოს მშენებლობას საფუძველი 2020 წლის ზაფხულში ჩაეყარა და ის „საპარტნიორო ფონდისა“ და USAID-ის პროექტის „ზრდა საქართველოში“ თანადაფინანსებით შეიქმნა.