თბილისი (GBC) - თბილისის მერობის კანდიდატმა ფუნიკულიორის პროექტი კიდევ ერთხელ დაანონსა. კახი კალაძემ არჩევნებამდე 5 დღით ადრე რუსთაველი-მთაწმინდის დამაკავშირებელი საბაგირო გზის რეაბილიტაციის პროექტი წარადგინა. პარტნიორებთან ერთად სიმბოლური კაფსულა ჩადო და  მშენებლობის სიმბოლურ სტარტზე განაცხადა. 

50 მლნ-იანი პროექტი მოიცავს  5 ანძას და 21 გონდოლას. კალაძემ,  გადავადების მიზეზად პანდემია დაასახელა. სამუშაოებს შეასრულებს სამშენებლო კომპანია „დაგი“, ხოლო საიჟინრო-ტექნოლოგიურ ნაწილზე პასუხისმგებელია ავსტრიული კომპანია Doppelmayr Seilbahnen GmbH.

845.5 მ სიგრძის მარშრუტზე 1 200 მგზავრი (1 სთ-ში) 4 წთ -ში გადაადგილდება. საბაგირო ექსპლუატაციაში  2022 წლის ბოლოსთვის  გაეშვება („მთაწმინდის პარკის“ მმართველობით).  კალაძემ თემქის ხევის (მეტროსადგურ გურამიშვილიდან )  და ვაზისუბნის  ახალი პროექტიც დაანონსა.