თბილისი (GBC) - TBC Capital-ის განცხადებით, 2022 წელს ტურიზმს პანდემიური გამოწვევების დაძლევა მოუწევს.

საინვესტიციო ბანკის პროგნოზით, ინდუსტრია 2019 წლის პრე-პანდემიურ დონეს, ძირითადად 2023 წელს მიუახლოვდება. 

მათი გათვლებით, 2021 წელს საერთაშორისო მოგზაურებიდან მიღებული შემოსავლები 2019 წლის დონის 37.5% -მდე აღდგება.

იანვარ-აგვისტოს მონაცემებით, უკრაინას, ისრაელს, ევროკავშირს და ახლო აღმოსავლეთის ქვეყნებს აქვთ დიდი წილი საერთაშორისო მოგზაურებიდან მიღებულ შემოსავლებში. ჯამში მიღებულმა შემოსავლებმა 8M21-ში $703.8 მლნ შეადგინა. 

ვარაუდობენ, რომ წლის ბოლოსთვის, საშუალო დატვირთვა 2019 წლის დონის 55% -მდე აღდგება, სადაც დიდი წვლილი შიდა ტურიზმმა შეიტანა (63%), ხოლო საშუალო დღიურ განაკვეთს კი აღდგენის უფრო ძლიერი 79%-იანი მაჩვენებელი ექნება (ფაქტ. - 68%/ $83). 

შიდა მოგზაურების რაოდენობა 1Q21-სა და 2Q21-ში 18% და 29%-ით აღდგა, შესაბამისად, 2019 წლის შესაბამის პერიოდთან შედარებით. 

აცხადებენ, რომ პანდემიის მეოთხე ტალღამ ტურიზმის აღდგენა შეაფერხა, თუმცა კოვიდ-უსაფრთხოება ტურიზმის ინდუსტრიას სწრაფი აღდგენის შანსს მისცემს.