თბილისი (GBC) - TBC Capital-ი ლარის პოლიტიკის განაკვეთის შემცირების ტრენდს, მომდევნო წლის მეორე კვარტლიდან ელის. 

ამ პროგნოზის გასამყარებლად რამდენიმე არგუმენტი მოჰყავთ, მათ შორის, თავიანთი პროგნოზი, შედარებით დაბალ ინფლაციასთან დაკავშირებით (ელიან, რომ ინფლაცია 2022 წლიდან დაიწყებს კლებას). არგუმენტებს შორის, პანდემიის უარყოფითი ეფექტის შემსუბუქება, ტურისტული ნაკადების აღდგენა და უფრო სტაბილური ლარია. 

მათივე განცხადებით, წარსული მოვლენებიდან გამომდინარე, Fed– ის (ამერიკის ფედერალური სარეზერვო სისტემა) საპროცენტო განაკვეთის ზრდის მოლოდინი, სულაც არ ნიშნავს აუცილებლად, უფრო ძლიერ აშშ დოლარს.

შეგახსენებთ, რეფინანსირების განაკვეთი სებ-მა 16 სექტემბერს, უცვლელად 10%-ზე დატოვა.