თბილისი (GBC) - ავთენტურია თუ არა, ძალზედ სახიფათოა, - ექსპრემიერს დიპლომატების, ჩვენი სტრატეგიული პარტნიორების შესაძლო მიყურადებიდან მომდინარე საფრთხეების წარმოდგენაც კი უჭირს. "ამის ახსნა საერთოდ შეუძლებელია", - პარტია „საქართველოსთვის“ თავმჯდომარის გიორგი გახარიას განცხადებით, ეს პირველ რიგში სახელმწიფოს აზიანებს, მის მთავარ ინსტიტუტებს (სუს-ი, საგარეო საქმეთა სამინისტრო ..), ქვეყნის ევროატლანტიკურ მისწრაფებას. მიაჩნია, რომ მასალების პოლიტიკური მიზნებისთვის გამოყენება თანაბრად მიუღებელი უნდა იყოს პოზიციისთის და ოპოზიციისთვის.

"საქმე ეხება ჩვენს სტრატეგიულ პარტნიორებს. ხომ კარგად გვესმის, რომ ბოლო 5-6 თვის განმავლობაში ისედაც უამრავი პრობლემა გვაქვს სტრატეგიულ პარნიტორებთან ურთიერთობაში. ასეთი მძიმე დამატებითი გართულება რა თქმა უნდა კიდევ უფრო დაამძიმებს ჩვენს შორის ურთიერთობას", - გახარიას თქმით, საქართველოს  ევროატლანტიკური და ევროპული ინტეგრაცია არის ზეპარტიული საკითხი, რომელზეც,  დარწმუნებულია მოქალაქეების უმრავლესობა შეთანხმებულია.

ქართული ეკლესიის, ევროპული ინტეგრაციის, "ენის, მამულის"  საკითხები ექსპრემიერისთვის პარტიულ ინტერესებზე და პოლიტიკური მიზნებზე მაღლა დგას.