თბილისი (GBC) - თბილისის მერობის კანდიდატმა კახა კალაძემ თბილისის მართვისა და ეკონომიკის პოლიტიკის პრეზენტაციააზე  დანარჩენი ხუთი პოლიტიკაც შეაჯამა.

კალაძემ გამოყო ურბანული პოლიტიკა, რაც მოიცავს ყველა ცენტრალური გამზირის რეაბილიტაციას. იგეგმება თხუთმეტი ახალი საქალაქო პარკის მშენებლობა და 300 ჰა ტყის აღდგენა, რომლის დაფინანსებისთვის საქველმოქმედო ფონდს „ქართუს“ კალაძე მადლობას უხდის. 

ჯანდაცვისა და სოციალურ მიმართულებაზე საუბრისას გამოყო ახალი პროგრამები: „არცერთი უსახლკარო თბილისელი“, რომლის ფარგლებში 400 უსახლკარო ოჯახი საცხოვრებლით დაკმაყოფილდება.

კახა კალაძემ ასევე ისაუბრა სხვადასხვა ასაკობრივი კატეგორიის მოქალაქეებისთვის შესაბამისი სერვისების განხორციელებაზე, მათ შორის სხვადასხვა სივრცეების, ცენტრებისა და ჰაბების მოწყობაზე. მათ შორისაა სატრენაჟორო დარბაზების ხელმისაწვდომობა >60 წლის  მოქალაქეებისთის

პრეზენტაციას პარტია „ქართული ოცნება - დემოკრატიული საქართველოს“ წევრები, ასევე, პარლამენტისა და საკრებულოს დეპუტატები ესწრებოდნენ.