თბილისი (GBC) - რეკრეაციული სივრცეების ხარჯზე წერტილდასმული მშენებლობები და ინფრასტრუქტურული  პროექტებისთვის გაორმაგებული ბიუჯეტი, -  კალაძემ, მისი მერობის პერიოდის პრიორიტეტის დასტურად გარემოსდაცვით მიმართულებით გაწერილ 161 მლნ ლარზე განაცხადა, რასაც 2020 წლისთვის 240 მლნ ლარამდე გაზრდის, მერად თუ აირჩევენ.

პარტია „ქართული ოცნება-დემოკრატიული საქართველოს“ თბილისის მერობის კანდიდატმა, მისი მერობის პერიოდი, ოცნების ხელისუფლებაში მოსვლამდე პერიოდს შეადარა, როცა მწვანე სივრცეების თანხა, პირიქით, მშენებლობებს ხმარდებოდა. 

"ეს იყო მავნე პრაქტიკა. ჩვენ ვართ ის ადამიანები, ვინც ერთხელ და სამუდამოდ ამ ქალაქში ქაოტური განაშენიანება დაასრულა", - განაცხადა მერმა.

2022 წლის ბიუჯეტის და პრიორიტეტების შესახებ პრეზენტაციაზე ვიცე-მერმა, ირაკლი ხმალაძემ 2022 და ომდევნო წლებში დედაქალაქის ბიუჯეტის 1, 700, 000, 000 ლარამდე გაზრდაზე განაცხადა.

 აქედან ინფრასტრუქტურული პროექტებისთვის გათვალისწინებულია 900 მილიონი ლარი. 2012 წელს ამ მიმართულებების პროექტებისთვის დაიხარჯა 356,281,200 ლარი,  2017 წელს - 299,331,800 ლარი, 2021 წელს - 457,686,600 ლარი.

 ხმალაძის თქმით, 2022 წელს  ჯანდაცვა, სოციალურ მიმართულებაზე 100 მილიონით მეტი უნდა დაიხარჯოს. 

2012 წელს დაიხარჯა 152,213,200 ლარი,  2017 წელს - 320,809,100 ლარი, 2021 წელს - 354,998,600 ლარი.