თბილისი (GBC) - აზიის განვითარების ბანკი მიმდინარე წელს საქართველოში 8.5%-იან ეკონომიკურ ზრდას ელის. ბანკმა აპრილტან შედარებით პროგნოზი 5%-ით გაზარდა. 2022 წელს კი ADB საქართველოში 6.5%-იან ზრდას ელის. რეგიონის ქვეყნებს შორის ყველაზე მაღალი ზრდა საქართველოშია მოსალოდნელი. ამასთან ADB-ის პროგნოზი უფრო ოპტიმისტურია ვიდრე IMF-ის და Moody’s-ის რომლებიც საქართველოში ეკონომიკის ზრდას 7%-ის ფარგლებში ელიან.

აზიის განვითარების ბანკმა (ADB)  შეამცირა განვითარებადი აზიის 2021 წლის ეკონომიკური ზრდის პროგნოზი, კორონავირუსული დაავადების (კოვიდ-19) პანდემიის გახანგრძლივების ფონზე.

ADB-ის მთავარი ეკონომიკური პუბლიკაციის აზიის განვითარების პროგნოზი 2021-ის განახლებული გამოცემა წელს განვითარებად აზიაში 7.1% ზრდას პროგნოზირებს, რაც აპრილში ნავარაუდევ 7.3%-იან ზრდას ჩამოუვარდება. 2022 წლის ეკონომიკური ზრდის პროგნოზი 5.3%-დან 5.4%-მდე გაიზარდა. კოვიდ-19-ის ახალი ვარიანტები, ხელახალი ადგილობრივი გავრცელებები, სხვადასხვა შეზღუდვისა და კარანტინის აღდგენა და ასევე ნელი და არასტაბილური ვაქცინაცია რეგიონის  ეკონომიკურ ზრდას აფერხებს.