თბილისი (GBC) - Bank of Georgia Group PLC- ის (BOGG)  აღმასრულებელთა აქციებით ცვალებადი კომპენსაციის ტრასტის მმართველმა კომპანიამ,   Sanne Fidiciary Services Limited-მა, დამოუკიდებელი ბროკერის შუამავლობით BOGG-ს 27,379 ჩვეულებრივი აქცია შეიძინა, თითოეულის ნომინალური ღირებულება £0.01. თითოეული აქციის ღირებულება £15.14 იყო (ვაჭრობა 17 სექტემბერს შედგა). ბოლო ვაჭრობა 20 აგვისტოს შედგა, საშუალო ფასი  £15.12. 

ტრასტს აქციები მისი ბენეფიციარების ჯილდოებისთვის უჭირავს. პოტენციურ ბენეფიციარებს შორის აღმასრულებელი დირექტორი და ჯგუფის მენეჯერული პასუხისმგებლობის მქონე პირები არიან.

აღნიშნული ტრანზაქციების შემდეგ ტრასტი 1,311,625 აქციას იკავებს, რაც დაახლოებით BOGG-ს მიერ გამოშვებული ჩვეულებრივი აქციების დაახლოებით 2.67%-ია (20 აგვისტოსთვის 2.68% იყო).  ტრასტის აქციები სრულად არსებული ჯილდოებისთვისაა გამოყოფილი.

SANNE-მ ასევე, როგორც BOGG-ს თანამშრომელთა ცვალებადი ანაზღაურების ტრასტის მმართველმა, ბროკერის მიერ მართული გამოსყიდვის პროგრამის ფარგლებში BOGG-ს 3,500 ცალი ჩვეულებრივი აქცია შეისყიდა (ნომინალური ღირებულებით £0.01). საშუალო ფასმა თითო აქციაზე £15.25 შეადგინა.

ვაჭრობა 17 სექტემბერს შედგა და ესეც აღმასრულებელი დირექტორების და მენეჯერების ჯილდოებისთვისაა (ცვალებადი ანაზღაურებისთვის) განკუთვნილი. წინა ვაჭრობა 13 აგვისტოს შედგა, საშუალო ფასი თითო აქციაზე - £15.87.

აღნიშნული ტრანზაქციის შემდეგ, თანამშრომელთა ცვალებადი ანაზღაურების ტრასტის საკუთრებაში 604,956 ცალი აქცია იქნება, რაც ჯგუფის მიერ გამოშვებული ჩვეულებრივი სააქციო კაპიტალის 1.23%-ია (13 აგვისტოსთვის 1.24%).  აქედან, 417,295 აქცია არსებული ჯილდოებისთვისაა (ცვალებადი ანაზღაურებისთვის) განკუთვნილი.

მენეჯერებისა და თანამშრომლების ჯილდოებისთვის BOGG აქციებს ეტაპობრივად ყიდულობს. ზაფხულში კი ტრანზაქციებს შორის, მინიმალური შესყიდვის ფასი £12.81 -  11 ივნისს დაფიქსირდა.

BGEO-ს აქციების ფასი დღეის მდგომარეობით £14.62-15.14-ია.

ორივე ტრასტმა როგორც ჩანს, ცვალებადი ანაზღაურების გაცემა დაიწყო. მენეჯმენტმა თავი წარმატებით გაართვა კრიზისის პირობებში კომპანიის მართვას და მაჩვენებლები, პამდემიამდელ დონეზე დააბრუნეს, რითიც მოახერხეს აქციონერებისთვის ნახევარწლიური დივიდენდის გამოცხადებაც, 70 მლნ-ის ოდენობით.