თბილისი (GBC) - მუნიციპალური განვითარების ფონდის აღმასრულებელ დირექტორად დავით ტაბიძე დაინიშნა. ტაბიძეს, რომელიც მანამდე მრჩევლის, მოგვიანებით კი მოადგილის პოზიციაზე იყო, პორტფელი გიორგი შენგელიამ გადაულოცა.

აქამდე დავით ტაბიძე მუშაობდა როგორც საჯარო და კერძო სექტორში სხვადასხვა პოზიციაზე, მათ შორის 2014 წლიდან მუშაობდა საქართველოს მუნიციპალური განვითარების ფონდის აღმასრულებელი დირექტორის მრჩევლად,  2014 - 2015 წლებში იყო ფონდის გარემოს დაცვისა და განსახლების სამსახურის უფროსი, 2015 - 2019 წლებში ეკავა საქართველოს მუნიციპალური განვითარების ფონდის აღმასრულებელი დირექტორის მოადგილის თანამდებობა, ხოლო 2019 წლის ოქტომბრიდან დღემდე იყო აღმასრულებელი დირექტორის პირველი მოადგილე.

მუნიციპალური განვითარების ფონდში მუშაობის დაწყებამდე, მას 15 წლიანი სამუშაო გამოცდილება ჰქონდა კერძო სექტორში. კერძოდ, იგი 1999 წლიდან სხვადასხვა მენეჯერული პოზიციებს იკავებდა როგორც ქართულ, ასევე უცხოურ ორგანიზაციებში.