თბილისი (GBC) - მშენებლობა ძვირდება - სტატისტიკის ეროვნული სამსახურის მონაცემებით, წლიურად მშენებლობისთვის შეძენილი მასალების ფასების ინდექსი 16%-ით არის გაზრდილი, თუმცა დეველოპერები თვლიან რომ რეალური სურათი განსხვავებულია და მშენებლობა ხშირ შემთხვევაში 30% და მეტი პროცენტით არის გაძვირებული. შედეგან კომპანიების ნაწილში ფასების მატებას არ გამორიცხავენ საშაულოდ 10-15%-ის ფარგლებში.

საქსტატის მონაცემებით, 22.5%-ით არის გაზრდილი შენობების და ნაგებობების სამშენებლო სამუშაოები.  9.7%-ით არის გაძვირებული  სავტომობილო გზების და რკინიგზის სამშენებლო სამუშაოები; კომუნალური ობიექტების ნაგებობები და სამშენებლო სამუშაოები 21%-ით გაძვირდა. ამასთან, 30%-მდე გაიზარდა სამშენებლო მოედნის მოწყობის ღირებულებაც. ელექტროსამონტაჟო, წყალგაყვანილობის და სხვა სამშენებლო სამონტაჟო სამუშაოების ფასი 15%-ით გაიზარდა. სხვა სპეციალიზებული სამშენებლო სამუშოების კი 19%-ით.