თბილისი (GBC) - გახარია მოღალატედ და სააკაშვილი ნარკომანად მოიხსენია პრემიერმა, ჟურნალისტებთან საუბარში, რომლის თავისუფლების ხარისხი, ღარიბაშვილის თქმით, ასეთი მაღალი არასდროს ყოფილა.

"დატკბით კომფორტით", - ირაკლი ღარიბაშვილმა მაქისმალური თავისუფლების სიკეთით მაქსიმალურად სარგებლობისკენ მოგვიწოდა.

მთავარი კითხვები ფარული მიყურადების ბოლოდროინდელ მასალებზე იყო, რაზეც მედიას პრემიერმა უთხრა, რომ პროკურატურა გამოიძიებს, თუმცა მოცულობითი საქმის შესწავლას შესაბამისი დრო ესაჭიროება და არჩევნებამდე ვერ მოესწრება. რაც ღარიბაშვილის თქმით, ოპოზიციამაც ზუსტად იცის და სარგებლობს სიტუაციით.

"სუს-ი - საიდუმლო სამსახური სახელმწიფოს იმიტომ ჰყავს, კანონით დადგენილ  ფარგლებში ლეგიტიმური კანონიერი ქმედებები რომ შეასრულოს", - განაცხადა პრემიერმა.

"ხალხი ბრძენია" - პრემიერს, ექსპრემიერ გახარიას ანალოგიურად, 41/25 -ის შემოხაზვის ხალხის ბრძნული გადაწყვეტილების იმედი აქვს.

ღარიბაშვილი გახარია-სააკაშვილის კოალიციას არ გამორიცხავს. გახარიასი უკვირს - "პრემიერი იყო და როგორ უნდა გახდე სააკაშვილის მარიონეტი".  

ამასთან დარწმუნებულია რომ სააკაშვილი ლაჩარია და  ვერ ჩამოვა. და თუ ჩამოვა მაშინათვე ციხეში შევა