თბილისი (GBC) -მაგთი - 23.3 მლნ; სილქნეტი - 17.9 მლნ; ბილაინი - 9.3 მლნ ლარი. საქართველოში მოქმედი მობილური კომპანიების შემოსავლები მკვეთრ ზრდას აჩვენებს. მიმდინარე წლის ივლისში კომპანიებმა ჯამში 16%-ით მეტი შემოსავალი მიიღეს ვიდრე გასულ წელს, ჯამურად 50 მილიონ ლარს გადააჭარბა.

ყველაზე შემოსავლიანი 18% -იანი ზრდით, მაგთია, რომელმაც ივლისში 23.2 მლნ ლარის გენერირება შეძლო. ზრდის ტემპით მეორე ადგილზეა ვიონი (ბიალინი), რომლის შემოსავლებიც ივლისში წლიურად 18.7%-ით გაიზარდა, 9.3 მლნ ლარამდე.11.3%-იან ზრდა აქვს სილქნეტს, რომლის შემოსავლებიც 17.9 მლნ ლარი იყო.

შემოსავლების ზრდის ერთ-ერთი მიზეზი აბონენტების გაზრდილი რაოდენობაა - ივლისში აბონენტების რაოდენობამ 5.1 მლნ შეადგინა, რაც წინა წლის ანალოგიურ პერიოდთან შედარებით, 300 000-ით მეტია. აქაც ყველაზე დიდ ზრდას მაგთი აჩვენებს - 9% წლიურად.

მაგთიკომი ლიდერობს ბაზარზე შემოსავლების წილითაც. ვიონს წინა წელთან შედარებით 0.4%-იანი მატება, მაგთის 1.1% მატება ხოლო სილქნეტს -1.5%-იანი კლება უფიქსირდება.

2021 წლის ივლისის თვის საშუალო ARPU (შემოსავალი თითო აბონენტისგან) 2020 წლის ივლისთან შედარებით გაიზარდა 9.8%-ით და 9.9 ლარი შეადგინა.

ყველაზე მაღალი ARPU მაგთის აქვს - 11.04 ლარი თითო აბონენტზე, შემდეგ მოდის სილქნეტი - 10.56 ლარით და ვიონი 9.90 ლარით.