თბილისი (GBC) - მსოფლიო ეკონომიკური თავისუფლების“ რეიტინგში დაწინაურება ნიშნავს, რომ ქვეყანაში რეფორმები ტარდება სწორი მიმართულებით, - ფინანსთა მინისტრის მოადგილემ მიხეილ დუნდუამ „ფრეიზერის ინსტიტუტის“ მიერ გამოქვეყნებული „მსოფლიო ეკონომიკური თავისუფლების“  რეიტინგის შეფასებისას

საქართველოს დაწინაურების მაპროვოცირებელი მახასიათებლები მოიხმო. გაუმჯობესებული ფაქტორები: მთავრობის ზომა, სამთავრობო მოხმარების წილი მთლიან მოხმარებაში, ზღვრული საგადასახადო განაკვეთი... 

 „ყველა ის საკითხი, რომელიც უკავშირდება ფინანსებს, გადასახადებს, საბიუჯეტო ხარჯებს, მთავრობის დანახარჯებს, ბოლო წლების განმავლობაში უმჯობესდება და საბოლოოდ აისახება ქვეყნის კონკურენტუნარიანობაში. რეიტინგებში წინსვლა მნიშვნელოვანია ინვესტორებისთვის,  ეკონომიკური აქტორებისთვის.  შეგახსენებთ რომ ამ რეიტინგის გარდა, ჩვენ მსოფლიო ბანკის  „ბიზნესის კეთების რეიტინგში“ შევდივართ  საუკეთესო შვიდეულში, „ღია ბიუჯეტის ინდექსის“ მიხედვით ვართ მსოფლიოს საუკეთესო ხუთეულში. ეს აჩვენებს ტრენდს, რომ ქვეყანა მიდის სწორი მიმართულებით, რეფორმები ტარდება სწორი მიმართულებით, რაც აისახება ეკონომიკური ზრდის ტემპების დაჩქარებაში, რომლის თაობაზეც მაგალითად, საუბრობს საერთაშორისო სავალუტო ფონდი და აცხადებს, რომ წელს და მომავალ წელს საქართველოს ექნება ეკონომიკური ზრდის მაღალი ტემპი“, - აღნიშნა ფინანსთა მინისტრის მოადგილემ, მიხეილ დუნდუამ..