თბილისი (GBC) - საქართველოს ბანკმა, Global Finance -სგან საუკეთესო მომხმარებელთა ციფრული ბანკი საქართველოში 2021 წელს ჯილდო მოიპოვა.

ბანკი ასევე აღიარებულია როგორც ცენტრალური და აღმოსავლეთ ევროპის რეგიონალური გამარჯვებული, საუკეთესო ონლაინ პროდუქტის შეთავაზებებში და საუკეთესო გადასახადის  გადახდისა და წარმომადგენლობის ქვეკატეგორიებში.

გარდა ამისა, 2021 წელს, საქართველოს ბანკი გამარჯვებულად იქნა აღიარებული შემდეგ ქვეკატეგორიებში:

• საუკეთესო კორპორატიული/ინსტიტუციური ციფრული ბანკი საქართველოში

• საუკეთესო ქვე-შემნახველი ბანკი საქართველოში

• საუკეთესო ინფორმაციული უსაფრთხოების და თაღლითობის მენეჯმენტი ცენტრალურ და აღმოსავლეთ ევროპაში

• საუკეთესოა დაკრედიტებაში ცენტრალურ და აღმოსავლეთ ევროპაში

• საუკეთესო ონლაინ ინვესტიციების მართვის სერვისები, ცენტრალურ და აღმოსავლეთ ევროპაში

• საუკეთესო სავაჭრო ფინანსური მომსახურება, ცენტრალურ და აღმოსავლეთ ევროპაში

• საუკეთესო ონლაინ სახაზინო მომსახურება, ცენტრალურ და აღმოსავლეთ ევროპაში

• საუკეთესო მობილური ადაპტირებული საიტი, ცენტრალურ და აღმოსავლეთ ევროპაში

• საუკეთესო მცირე და საშუალო ბიზნესის ბანკინგი, ცენტრალურ და აღმოსავლეთ ევროპაში

„ეს აღიარება კიდევ ერთხელ ხაზს უსვამს ჩვენი, ბაზრის წამყვანი გადახდების ბიზნესის სიძლიერეს და ჩვენი ფინანსური მობილური აპლიკაციის პოპულარობას. ძლიერი ტექნოლოგიური და მონაცემთა გაანალიზების მოწინავე შესაძლებლობებით, ჩვენ ყურადღებას ვაქცევთ მომხმარებლებისთვის უმაღლესი გამოცდილების მიწოდებას მეტი დიჯიტალიზაციით, უკეთესი და შესაბამისი პროდუქტებითა და ციფრული არხების მეშვეობით“, - აცხადებს არჩილ გაჩეჩილაძე, საქართველოს ბანკის CEO. 

თავის მხრივ, Global Finance-ის  გამომცემელი და სარედაქციო დირექტორი, ჯოზეფ ჯარაპუტო აცხადებს, რომ გლობალური პანდემია აიძულებს ხალხს განახორციელონ თავიანთი პერსონალური და პროფესიული საბანკო საქმიანობა ტელეფონებიდან, ტაბლეტებიდან და კომპიუტერიდან. შესაბამისად, ციფრულმა ბანკინგმა დიდი მნიშვნელობა და გავრცელება ჰპოვა. 

„ბანკები იძულებულნი გახდნენ რეაგირება მოეხდინათ ამ მკვეთრად შეცვლილ ლანდშაფტზე და ის, ვინც ყველაზე წარმატებით გაართვა თავი გამოწვევას, აღიარებულია, როგორც გლობალური ფინანსების მსოფლიოს საუკეთესო ციფრული ბანკები 2021 წელს“, - აცხადებს ჯარაპუტო.