თბილისი (GBC) - ტურიზმის ეროვნული ადმინისტრაციის ინფორმაციით, 2021 წლის აგვისტოში საერთაშორისო ვიზიტები (ტურისტები და ერთდღიანი ვიზიტორები) წლიურად 510.5%-ით გაიზარდა და 266.5 ათასი ვიზიტორი შეადგინა, რაც 2019 წლის აგვისტოს მონაცემის 24.5%- ია. ვიზიტორების ზრდა ძირითადად ტურისტების რაოდენობის ზრდამ (+615.2% წ/წ) განაპირობა გასული წლის დაბალი ბაზიდან. ამასთან, ზრდა დაფიქსირდა ერთდღიან ვიზიტორებში (+112.5% წ/წ). 

აღსანიშნავია, რომ აგვისტოში საერთაშორისო ვიზიტორების ზრდაში ყველაზე დიდი წილი რუსმა ვიზიტორებმა შეიტანეს, რასაც მოჰყვება უკრაინა, თურქეთი და საუდის არაბეთი. 

ჯამურად, 2021 წლის პირველ 8 თვეში ქვეყანაში 961.6 ათასი (-27.1% წ/წ, რაც 2019 წლის დონის 18.5%- ია) საერთაშორისო ვიზიტორი შემოვიდა, საიდანაც ტურისტულმა ვიზიტებმა 883.1 ათასი (-3.9% წ/წ, რაც 2019 წლის დონის 25.6%-ია) შეადგინა. ამავე პერიოდში, საინვესტიციო ბანკის Galt&Taggart-ის  შეფასებით, ტურიზმიდან მიღებული შემოსავლები 752.7 მლნ აშშ დოლარს გაუტოლდა (+55.7% წ/წ და შეადგენს 2019 წლის დონის 33.2%-ს).შეგახსენებთ რომ პანდემიის დაწყებამდე საქართველო ტურიზმიდან 3 მილიარდ დოლარზე მეტ შემოსავალს იღებდა.