თბილისი (GBC) - ქართველი სტუდენტები, რომლებიც ტურიზმის სექტორით არიან დაინტერესებული კვალიფიკაციის ამაღალებას პორტუგალიაში შეძლებენ.

პორტუგალიაში სამუშაო ვიზიტით მყოფი ეკონომიკის მინისტრის მოადგილე მარიამ ქვრივიშვილი ტურიზმის სახელმწიფო მდივანს რიტა მარკესს და ტურიზმის ორგანიზაციის პრეზიდენტს ლუიშ არაუჟუს შეხვდა.

მხარეებმა განიხილეს ორ ქვეყენას შორის თანამშრომლობა ტურიზმისა და სამოქალაქო ავიაციის სფეროებში და აღნიშნეს, რომ პირდაპირი ავიარეისების არსებობა ხელს შეუწყობს ორმხრივი თანამშრომლობის გაღრმავებას. საქართველო და პორტუგალია ამავდროულად მ,ზადყოფნას გამოთქვამენ ხელი შეუწყონ იმ ავიაკომპანიას, რომელიც პირდაპირი რეისების შესრულებას გადაწყვეტს.

„მოხარულები ვართ, რომ მივიღეთ პორტუგალიის მხრიდან მხარდაჭერა, რომელიც მისცემს ქართველ სტუდენტებს ამ ქვეყანაში გაცვლითი პროგრამით ჩამოსვლის შესაძლებლობას, რომლის დროსაც ისინი გაეცნობიან ადგილობრივი ტურიზმის სექტორს და აიმაღლებენ კვალიფიკაციას. ეს, პირველ რიგში, ხელს შეუწყობს საქართველოში ტურიზმის განვითარებას, განსაკუთრებით, მომსახურების ხარისხის ამაღლებას," - განაცხადა მარიამ ქვრივიშვილმა.