თბილისი (GBC) - "დამშვიდებული" ბიზნესი  ევროპიდან ხარისხიანი ინვესტიციის  შემოსვლის პერსპექტივას ვეღარ ხედავს. "თბილისი ცენტრალის" გენერალურმა დირექტორმა ლევან ყარალაშვილმა ბიემჯის (TV პირველი) ეთერში ახალი ინვესტიციების დაპაუზების პარალელურად, არსებული საინვესტიციო პროექტების დაყოვნების რეჟიმზეც აღნიშნა, რაც არასტაბილური პოლიტიკური ვითარების და პანდემიის ახალი ტალღების მოლოდინით არის განპირობებული. 

მისივე თქმით, პრემიერ ღარიბაშვილთან, რომელიც ამაყობს რომ  ბიზნესი დამშვიდებულია, არცერთი შეხვედრა არ შემდგარა, არცერთ საკითხზე, მათ შორის არც 10 წლიანი გეგმის თაობაზე.

ყარალაშვილის თქმით, კერძო და სახელმწიფო სექტორს შორის შეხების წერტილები დაკარგულია და პანდემიის წინა ტალღების პროცესში არსებული კომუნიკაციაც ნულზეა დაყვანილი. 

ყარალაშვილს, უიმედობის განცდას, კრიზისიდან ქვეყნის გამოსვლის პერიოდში, ჩოხატაურის და ტყიბულის ტურისტულ პოტენციალზე პრემიერის საუბარი უფრო უღრმავებს