თბილისი (GBC) - ვარკეთილში, გლდანსა და სადგურის მოედანზე, ავტობუსებში მოქალაქეები კოვიდსაწინააღმდეგო ვაქცინით წინასწარი რეგისტრაციის გარეშე  იცრებიან. ექიმ ლევან თელიას ინფორმაციით, აცრის მსურველებს 1 ბრიგადა ემსახურება. 

 „პირველი დღიდან საკმაოდ მომატებულია მიმართვიანობა. სამივე ლოკაციაზე განთავსებულ მობილურ ამცრელ პუნქტში 300-ზე მეტი მოქალაქე აიცრა. ჩვენ მზადყოფნაში ვართ, მოქალაქეებს საჭიროების შეთხვევაში გავუწიოთ პირველადი დახმარება. ყველანაირი აღჭურვილობა გვაქვს. ასევე გვაქვს მედიკამენტები, რაც შეიძლება, საჭირო გახდეს. რა თქმა უნდა, ყველა უნდა ჩაერთოს ვაქცინაციის პროცესში. ეს ძალიან მნიშვნელოვანია“, – განაცხადა ექიმმა. თბილისის მუნუციპალური ტრანსპორტში აცრები 27 აგვისტოს დაიწყო. 

ბოლო 24 სთ-ში გამოჯანმრთელებულია 4 753 და დაინფიცირებულია 4 753 მოქალაქე. თუმცა სამშაბათის მაჩვენებელი ტრადიციულად მაღალია შაბათ-კვირის სტატისტიკის გამო (წყარო:საზმაუ).