თბილისი (GBC) - ბანკებში დეპოზიტების მოცულობა გაზრდილია. სებ-ის მონაცემებით, 2021 წლის 1-ლი აგვისტოსათვის 35.12 მლრდ ლარს შეადგენს, რაც 1-ელ ივლისთან შედარებით 593.09 მლნ ლარით (+1.72%) მეტია.

ივლისში ივნისთან შედარებით, შემცირებულია ვადიანი დეპოზიტები 471.45 მლნ ლარით (-2.93%), მოთხოვნამდე დეპოზიტები კი 1.06 მლრდ ლარით (+5.77%) არის გაზრდილი.

დეპოზიტების ლარიზაციის კოეფიციენტი 39.99%-ია.

ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 6.45% შეადგინა, მათ შორის ლარში განთავსებულ დეპოზიტებზე 10.23%, უცხოურ ვალუტაში  0.91%.

უცხოური ვალუტით განთავსებულ დეპოზიტებში დოლარის წილი 83.83%, ევროს წილი 14.75%-ია.