თბილისი (GBC) - საბანკო სექტორმა დაკრედიტება გაზარდა.

2021 წლის ივლისში, წინა თვესთან შედარებით საკრედიტო პორტფელის მოცულობა 382.83 მლნ ლარით (0.98%-ით), 39.6 მლრდ-მდე გაიზარდა.

ლარში გაცემული სესხები 398.21 მლნ ლარით (2.15%-ით) გაიზარდა, უცხოური ვალუტით გაცემული სესხების მოცულობა 15.38 მლნ ლარით (0.07%-ით) შემცირდა.

რეზიდენტი იურიდიული პირებისათვის 2021 წლის ივლისის ბოლოს, ბანკებს ლარში გაცემული ჰქონდათ 5.98 მლრდ ლარის (+1.56%-ით მეტი), უცხოური ვალუტით 12.90 მლრდ ლარის (-0.11%) სესხი.

2021 წლის ივლისის განმავლობაში 1.46%-ით, ანუ 285.63 მლნ ლარით გაიზარდა რეზიდენტი შინამეურნეობების სექტორის დაკრედიტების მოცულობა და მიმდინარე წლის პირველი აგვისტოსათვის 19.88 მლრდ ლარი შეადგინა.

სესხების ლარიზაციის კოეფიციენტი 47.73%-ია, 0.55%-ული პუნქტით მეტი ივნისთან შედარებით.