თბილისი (GBC) - 1-ლი სექტემბრიდან "აწარმოე საქართველოში" ფარგლებში 2,5 მილიარდი ლარის ახალი პროგრამები გაეშვება.

ეკონომიკის მინისტრის თქმით, პროგრამები უკვე მომზადებულია.  ნათია თურნავა განმარტავს, რომ ეს არის ადგილობრივი წარმოების მხარდაჭერა, ექსპორტზე ორიენტირებული წარმოების და იმპორტის ეტაპობრივი ჩანაცვლების მხარდამჭერი პროგრამები. 

"ეს იქნება არა მხოლოდ სესხის პროცენტის სუბსიდირება, ეს იქნება თანაგარანტირება, ეს იქნება გრანტები - ახალი კომპონენტი, რაც ეხლა შევიმუშავეთ.  სწორედ ადგილობრივი წარმოების, დასაქმების მხარდაჭერა დაგვეხმარება, რომ უფრო სწრაფად დავძლიოთ პანდემიის ნეგატრიური შედეგები და შევინარჩუნოთ ის ორნიშნა ეკონომიკური ზრდა, რაც ყველას გამოვიყვანს ამ კრიზისიდან და პირიქით, ძალიან დიდ ბიძგს მისცემს ჩვენი ქვეყნის განვითარებას", - აღნიშნა ნათია თურნავამ.