თბილისი (GBC) -  სამრეწველო პროდუქციის მწარმოებელთა ფასების ინდექსი ივლისში წინა თვესთან შედარებით 0.3%-ით გაიზარდა, წლიურად 15.1%-ით.

ფასების ინდექსზე იმოქმედა ფასების შემცირებამ სამთო-მოპოვებითი მრეწველობისა და კარიერების დამუშავების ჯგუფზე, ასევე დამამუშავებელი მრეწველობის პროდუქციის გაძვირებამ. ფასმა მოიმატა ძირითად ლითონებზე (3.2%). 

დამამუშავებელი მრეწველობის პროდუქცია გაძვირებულია 16.7%-ით; ელექტროენერგია, აირი, ორთქლი და კონდიცირებული ჰაერი: ფასები გაიზარდა 9.9%-ით, რამაც მთლიანი ინდექსის წლიურ ცვლილებაზე 0.94%-ული პუნქტით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით სექტორში ფასები გაზრდილია 30.1%-ით, რამაც მთლიან ინდექსზე 0.83%-ული პუნქტით იქონია გავლენა.