თბილისი (GBC) - დიღმის ოლიმპიურ სოფელში მდებარე საველე ჰოსპიტალი პაციენტების მისაღებად მზად არის, თუმცა როგორც ჯანდაცვის მინისტრმა განაცხადა, საველე ჰოსპიტალში პაციენტებს ჰოსპიტალური რესურსის ამოწურვის შემდეგ მიიღებენ.

"მაქსიმალურად ვეცდებით დავრჩეთ ჰოსპიტალურ სექტორში. რამეთუ ეს დიდი ემოციური სტრესია პაციენტისთვის. მსგავსი ჰოსპიტალი საქართველოში საომარ პირობებშიც კი არ ყოფილა", - განაცხადა ეკატერინე ტიკარაძემ.

საველე ჰოსპიტალში 500-მდე საწოლია მოწყობილი. როგორც რამდენიმე დღის წინ ჯანდაცვის მინისტრმა განაცხადა, საწოლების უმეტესობა ჟანგბადით იქნება აღჭურვილი. 

“გამართულია ყველა ინვენტარი და მოწყობილობა, რომელიც ესაჭიროება საწოლებს, რათა მოხდეს მათი მომარაგება ჟანგბადით. დამონტაჟებულია 2 ხუთ ტონიანი ცისტერნა საწოლების ჟანგბადით მოსამარაგებლად“,- აღნიშნა ტიკარაძემ.