თბილისი (GBC) - "აწარმოე საქართველოში" ფარგლებში დასუბსიდირებულმა 1 ლარმა ბიუჯეტს 5.4 ლარის გადასახადი, ქვეყანას კი 15.7 ლარის ინვესტიცია მოუტანა, ამავდროულად შექმნა 8.7 ლარის მშპ, - ასეთია პროგრამის „აწარმოე საქართველოში“ ინდუსტრიული ნაწილის  კომპანია „ბიდიოს“ კვლევის შედეგები.

სააგენტოს მხარდაჭერით შეიქმნა ან გაფართოვდა 494 საწარმო, 152 სასტუმრო და 6 ტურისტული სერვისის მიმწოდებელი ობიექტი. პროექტების ფარგლებში განხორციელდა 1.8 მილიარდ ლარზე მეტი ინვესტიცია და სულ შეიქმნა 24 205 სამუშაო ადგილი.

საკრედიტო-საგარანტიო მექანიზმის ფარგლებში დაფინანსებულია 242 პროექტი, შეიქმნება 4 418 სამუშაო ადგილს.

2015 წლიდან ახორციელებს მიკრო და მცირე მეწარმეობის საგრანტო პროგრამასაც, მხარდაჭერილია 6 911 პროექტი, ჯამური ინვესტიციით 79 მლნ ლარი, დაფინანსებულია 10 083 ბენეფიციარი, შეიქმნება 17 489 სამუშაო ადგილი.

სააგენტო „აწარმოე საქართველოში“ პანდემიის ვითარებიდან გამომდინარე, ამოქმედდა სხვადასხვა პროგრამა:

მცირე და საოჯახო სასტუმროების თანადაფინანსების მექანიზმი, რომლის ფარგლებშიც 1544-მა კომპანიამ ისარგებლა, თანადაფინანსების სახით გაიცა 45 მილიონ ლარზე მეტი.

თანადაფინანსების მექანიზმი სარესტორნო ინდუსტრიის ხელშეწყობისთვის, რომლის ფარგლებშიც 633-მა კომპანიამ ისარგებლა, თანადაფინანსების სახით გაიცა 9 მილიონ ლარზე მეტი.

თანადაფინანსების მექანიზმი საბავშვო ბაღების და სპორტული ობიექტების ხელშეწყობისთვის, რომლის ფარგლებშიც 76-მა კომპანიამ ისარგებლა, თანადაფინანსების სახით გაიცა 1,2 მილიონი ლარი.

თანადაფინანსების მექანიზმი ღონისძიების ორგანიზატორთა ხელშეწყობისთვის, რომლის ფარგლებშიც 53-მა კომპანიამ ისარგებლა, თანადაფინანსების სახით გაიცა 2,4 მილიონ ლარზე მეტი.

2021 წლის 1 სექტემბრიდან სააგენტოს დაემატება სხვადასხვა პროგრამები, რომლებიც მცირე და საშუალო ბიზნესზეა ორიენტირებული.