თბილისი (GBC) -  Bank of Georgia Group PLC-ის განცხადებით, 1H21-ში ქართულმა ეკონომიკამ სწრაფად მოახდინა აღდგენა, რასაც ძირითადად მხარს უჭერდა გაზრდილი მოთხოვნა, საქონლის ძლიერი ექსპორტი, მყარი ფულადი გზავნილები და ტურიზმში მოსალოდნელზე სწრაფი ზრდა.

ინვესტიციები ასევე დადებით გავლენას იქონიებს 2021 წლის ზრდაზე, რაც გაძლიერდება საჯარო ინფრასტრუქტურული ხარჯებით და კერძო სექტორის აქტივობის გაზრდით.

მშპ – ს სავარაუდო ზრდამ 1H21 -ში 12.7% შეადგინა, რაც BOGG-ის განცხადებით, ბაზრის მოლოდინს აჭარბებს და რაც ნაწილობრივ 2020 წლის დაბალი ბაზის შედეგად, მაგრამ ასევე გარე შემოსავლების უფრო სწრაფი დაბრუნებით იყო განპირობებული (სავარაუდო ზრდა 1H19-თან შედარებით 5.7% იყო).

მსოფლიო სასაქონლო ფასების ზრდამ, კომუნალური გადასახადების ზრდამ და მოსალოდნელზე სწრაფმა აღდგენამ ფასებზე ზეწოლა განაახლა 2021 წელს, მათ შორის, 2021 წლის ივლისში წლიური ინფლაცია 11.9% -იან ნიშნულზე დაფიქსირდა.

საქართველოს ეროვნულმა ბანკმა (სებ) კი გაზრდილი მონეტარული პოლიტიკით უპასუხა, უკვე მესამედ წელს და შედეგად, მპ-მ აგვისტოში 10%-ს მიაღწია.

BOGG წლის ბოლომდე მაღალ ინფლაციას ელის, 2022 - ში კი შემცირებას, დროებითი ფაქტორების გაქრობის შედეგად.

ამავე დროს, BOGG აღნიშნავს, რომ ძლიერი აღდგენის დინამიკა, მჭიდრო მონეტარულ პოლიტიკასთან ერთად, ადგილობრივ ვალუტას ნაწილობრივ თავისი ღირებულების აღდგენაში დაეხმარა აშშ დოლართან მიმართებაში. 2021 წლის მაისიდან ლარი / დოლართან მიმართებით 2Q21-ში 7.4% -ით გამყარდა.

საერთაშორისო რეზერვები 30 ივნისისთვის მაღალი რჩება $3.9 მლრდ-იან ნიშნულზე/

სამომავლო პერსპექტივა BOGG-ისთვის კვლავ მნიშვნელოვან გაურკვევლობაში რჩება, ვაქცინაციის დაბალი მაჩვენებლისა და ვირუსის შემთხვევების გათვალისწინებით.